لقيت بنية مش نورمال
لقيت بنية مش نورمال
زين وقد وجمال
وزيد اخلاق وكمال
وفي لحظة قلبي ليها مال
قلتلها بربي سامحنى
وجهك ياسر رتحنى
نطلب منك تصارحنى
مخطوبة
وإلا في مكتوبك تستنِّي
مزروبة
انت راك عجبتبني
وانا على الخطبة ناوي
حشمت مسكينة لبنيّة
وردت علي بحنيّة
قتلى -لا -بالشوية
طارمنى عقلى وهرب
وقلت المكتوب كتب
طلبت منها باحترام
نمشيو لمكان عام
راني عندي برشة كلام
قتلى- لا -مستحيل
كان يسمع بابا اسماعيل
يعملى عيطة وصهيل
ويوصل حتى يضربني
قلتلها يا ملا عجب
هذا الراجل الى نحب
ياسيدى من غير مانطول
ولدار الطفلة نتحول
حكيت مع بوها وعمّتها
المسكينة فاقدة إمّيمتها
قالولى وليدى مرحبا
احنا نلوجوا على الهنا
لا يهمنا ملك ولا كرا
ونعاونوك بالقدا
كان طلعت المستوى
رانا ومن غير شروط
ماتحطش روحك فى ضغوط
ولاتتلز للهبوط
ومايهمش فضة ولا ذهب
قلت زعمة باب العرش تحل
وربّي عليّ سهّل
قالولى راهي حومتنا شعبيّة
وما تنجّمشي تخرج مع البنيّة
كان ما تعمل حاجة رسميّة
قلتلهم كيفاش ندير
انى رانى والله انحير
قالى بوها من غير مانطول
برا توا لدارك قوم
وان شاء الله بعد 15 يوم
نقرو فاتحة ونجيبو المأذون
روحت وفى قلبى مرارة
ناخو قطوس فى شكارة
وقلت لا.. هاذى امارة
وهذي هي الأصالة
والحاصيلو بعد اسبوعين
مشيت لللات العين
نلقاهم يستنوا فى
قلى بوها فى كلمتين
بنتي مهرها مليونين
ولازم تدفعهم في الحين
قتلو ياعمى سامحنى
انى يتيم ومسكين
ماكش دارى بلى بى
رانى بنتك ملى ريت
وانا نمشئ جنازة حية
قلى بنتى مانعطيها
كان ماتدفع قبل ماتريها
دارت الدنيا بى
قتلو شرط ولا دية
خلى انزيد نشوف لبنية
ولا نكتب عقد عليها
قلى لا لا محال
مشيت لعمى
عندو فلوس في البنوك
قلتلو انقذ ولد خوك
اعطينى عمى مليونين
ونرجعهم بعد انهارين
قلى اشبيك وعلاش
طمنى !!
قتلو من غير ماتتسالنى
قلى هاهم!!
على خاطر بوك
اما راهم يقلبوك
هزيتهم لنسيبي المحترم
ودخلت من غير مانسلم
ومن قبل ما نتكلم
مد يديه وتسلّم
هزهم منى ومشى
وقعدت وحدى نستنى
ناديت اشكون هنا !!
خرجتلى الى رايدها
ومعاها راجل قلى ابعدها
هاذيكا راهى مرتى انا
واذا ما تخرج فى الحال
نوريلك اش تعمل الرجال
قلتلو بوها قلى
وخذا المهر وطمنّي
قلى بربي لوح عليك
كيفاش يجد عليك؟؟
ايا وريني عرض اكتافيك
ويمشي الجافل ويجي الغافل
الأربعاء 25 مارس - 23:49