TUNISIA-JAW
عزيزنا الزائر , انت غير مسجل لدينا , اذا كنت ترغب فى الانضمام الينا يرجى التسجيل , وشكرا


 
الرئيسيةاليوميةس .و .جبحـثالمجموعاتالتسجيلدخول
 

شاطر | 
 

 للشاعر المصرى احمد الهمامى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
monam
عضو جديد
عضو جديد



مُساهمةموضوع: للشاعر المصرى احمد الهمامى   الثلاثاء 5 يناير - 20:13

رباعيات الشاعر المصرى – احمد الهمامى
كـــــــــــــربـــاج سـوداني شـــايله هــــنا جنـبي
لأي ظـــــــــــــــــالم يفــــكر ييجي هنــــا جنــبي
ضـــــــــــربه واحــــده في الهـــوا يبعد ويشرخ
ضربه واحده على جسده يقول ذنبي على جنبي
وآه
عيني علـيك ياللي عشت العمر بإزازة
تشـــــــرب وتســـكر وفاكــــرها بزازة
شفـــــــــــت إيه قـــولي بعـــــد الرحيل
نار جــهنـم ولا فرفشه وعربده ولزازة
وآه
مــــــــالك يا قلبي مش ســـامع ليك دبيب
هو إنـــــــــــت مت؟ ولا فارقت الحــــبيب
إيه حــــــــــكايتك؟ جاوبني بســــرعه رد
قبل ما أصوت عليك واملا الكـون نحيب
وآه
طول عمري صابر ع البلا
ويـــــاما قلــبي كتــير اتبـلا
بـــناس ماهيــاش ناس ولا
يــــتوصفوا غير بالمـــزبله
وآه
انــــــا اللى بالحلم بعيد المنال التــــقى
فوق فى الفضا لقيته وكان محلا اللقى
ونزلت بيه ع الأرض سكـــــــنته بيتى
لكنه هجرنى وفر من كتـــــــــر الشقا
وآه
عـــــام ورا عــــــــام ورا عام ورا عــام بيمر
أحـــــزان تعدي وفرح ييجي ولا شـــيء بيسر
صــــــفر + صفر × صفر ÷ صفر = صفر
هو كـــــــــده طعم الحياه في الحلق دايما مــر
وآه
بين الحياة والمــــــــــوت فيه اختـبار
والكل داخل فيه بالجبر مش بالأختيار
اللى هينجـــــــــــح فيه بالنعيم هيفوز
واللى هيسقط فيه هيتـــرمى فى النار
وآه
ميــــــــن اللـي ينسى في يــــوم اللوا محمد نجيب
اللــــي كان واجهه لثورتنا وكان ضحيه للألاعيب
بــــــــــــــــــــالـــرغم إنـه مكنش لـــــه دور مؤثر
بس بصراحه اللي حصل له ده كــان عبره وعيب
وآه
رباعيات الشاعر المصرى – احمد الهمامى

أهـــــوى الوطــن ولو كــان في غــــابه
وســـــكـــنوه الأبالسه والكلاب والديابه
ومايهمنيش إن كنت أعــيش ولا أمــوت
ما دام بحب وطني وبيه مــغــرم صــبابا
وآه
* * *
نعـــــامه قالــت للزرافـه
رقــبتي أطول وبمســـافه
ضـــحكت الفرعه وقـالت
أنا القصب وإنتي الكنافه
وآه
عصفور وطاير في الهوا يزقزق
أنــــــــده عليـــه يبــص لي يبرق
أرمـــــيله حب ع الأرض ينـــزل
ولما يـــاكل بدل ما يشكر يشرق
وآه

شـــــــــوط الكوره قبل ما غـيرك يــشوطها
ده هـــي فـــوره وعشان تفوز جمع نقاطها
خليـــــــــــــــــك لَعِّيــــــــب بالأحــــرى ديب
وإياك تسيب الفرصه يوم حتى في ممـاتها
وآه
زريـــــــــبه وشفت فيها الــــــبهايم من كـــــــل نوع
بقر خــــــرفان حمير معــــيز (الغــــــالي والجربوع)
وكـــــــــــلهم قاعدين بياكلوا وكلـــهم بيهزوا ديــلهم
بالذمه لو عارفين مصيرهم مش كــانوا يبكوا دموع
وآه
اســتــــغفر الله العظــيم على ما جنـت نفسي
فـــــي لحــــــظه يئس مــن الدنيا ومـن بئسي
حـــــاولت أنــــــــــهي مشواري بإيـديـــا وأنا
وأنا الـــلي ما أملكش دخول أو خروج نفسي
وآه



سـؤالات ومكتـوبه في ورقة أســئله
واللــي يجـــــاوبها ويــحلها يبقى ولا
واللـي ما يعرف يبقى خيبه ونغنهاله
كتـــــــك البلا كتــك البلا كــتك البلا
وآه


مـــا فــــي حد في الدنيـــــا عايش وراضــــي
ولــو كان مليـــونير أو فقير وجــــيبه فاضي
أبــــــــونا آدم من بـــداية الكون غلبه الطمع
وخــلاه يسيب الجنه وينزل يسكن عالأراضي
وآه
ســـــواح وعايش في وسـط السـواحين
في بلاد غريبه وكئيبه وناسها مخنوقين
ولا عـمري حسيت بالراحه ولا بالأمـان
ولا مــــره نمت وحلــمت غير بالمــيتين
وآه
عـــزازيل خـــــلاص كبر وشاخ وراحت علـيه
ولا عــــاد له سلطان عالبشر ولا حاجه بإيديه
دلــــــوقتي بيــــخاف على عيـاله من ولاد آدم
لـ يفســـدوهم ويبوظوهم ويشمتوا الخـلق فيه
وآه
رب السما والأرض فارض 5 أركـان عالمســلمين
الزكـــــا والصلاه والصـوم والنــــطق بالشهـــادتين
وحـــــج البيت على كــل من كـــان في استــــطاعته
واللـــــــــــي هيــــعمل دول هيفـــــــوز يا مؤمـــنين
وآه

أمـــــــِّن حدودك يا عــــــــــــربي مـــن كـــــل جانـب
ومـــــــــــــــد إيدك لـ إيد أخــــوك مش للأجــــــــانب
طـــــــــول عمرهم أرضك وثرواتك مطـمع للجــميع
وانــت عارف عِين العدو بتدور عاللي يجيب أرانب
وآه

رباعيات الشاعر المصرى – احمد الهمامى
للمزيد من رباعيات الشاعر المصرى –احمد الهمامى بموقع:.
Ww w. robaeyat .com
الرجوع الى أعلى الصفحة اذهب الى الأسفل
A_S_D
الإدارة العامة
الإدارة العامة



مُساهمةموضوع: رد: للشاعر المصرى احمد الهمامى   الإثنين 18 يناير - 15:24

111
f:
m:

_________________


الرجوع الى أعلى الصفحة اذهب الى الأسفل
محمد بن علي
عضو جديد
عضو جديد



مُساهمةموضوع: رد: للشاعر المصرى احمد الهمامى   الإثنين 15 فبراير - 21:52

لاعدمناك
لك اجمل المنى.
الرجوع الى أعلى الصفحة اذهب الى الأسفل
سعدية
عضو جديد
عضو جديد



مُساهمةموضوع: صح لسانك وعلا شانك   الثلاثاء 16 فبراير - 22:59

صح لسانك وعلا شانك
الرجوع الى أعلى الصفحة اذهب الى الأسفل
 
للشاعر المصرى احمد الهمامى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
TUNISIA-JAW :: منتدى المكتبة الإلكترونية :: منتدى الكتب الأدبية-
انتقل الى: